Fransanın keçmiş baş naziri prezident seçkilərinə qatılacaq

Fransanın keçmiş baş naziri Dominik de Vilpen 2027-ci ildə keçiriləcək prezident seçkisində iştirak etmək niyyətindədir.Bu barədə “Le Monde” qəzeti xəbər verir.
Siyasətçi namizədliyini irəli sürmək üçün tələb olunan 500 seçilmiş vəzifəli şəxsin imzasından təxminən 300-nü toplayıb.
De Vilpenin seçki qərargahından bildirilib ki, imzaların toplanması prosesi davam edir.
Siyasi fəaliyyəti dövründə de Vilpen beynəlxalq məsələlərdə Fransanın müstəqil mövqeyini müdafiə edib və ölkənin xarici güclərin maraqlarından asılı olmamasını əsas tutub.
Fransada növbəti prezident seçkisinin 2027-ci il aprelin 18-də keçirilməsi nəzərdə tutulur. Zərurət yaranacağı təqdirdə, ikinci turun mayın 2-də keçirilməsi planlaşdırılır.
Hazırkı Prezident Emmanuel Makron konstitusiyaya əsasən ardıcıl üçüncü müddətə namizədliyini irəli sürə bilməz.
Son xəbərlər 
Daha çox 























