Slovakiyanın prezidenti güllələnən baş nazirin son durumunu AÇIQLADI - YENİLƏNİB
16.05.2024 18:56
Sui-qəsdə cəhdə məruz qalan Slovakiyanın Baş naziri Robert Fitsonun vəziyyəti ağır olaraq qalır.
Bu barədə Slovakiya Prezidenti Peter Pelleqrini Banska-Bistrisa xəstəxanasında hökumət başçısını ziyarət etdikdən sonra jurnalistlərə məlumat verib.
"Baş nazir Robert Fitsonun vəziyyəti ağır olaraq qiymətləndirilir. O, ölümün bir addımlığında idi. Mənə onunla ancaq bir neçə dəqiqə danışmağa icazə verildi. Danışa bilsə də, çox yorulur”, - deyə Pelleqrini qeyd edib.
***
Slovakiyanın Baş naziri Robert Fitsonu güllələyən yazıçı Yuray Çintula hadisəni niyə törətməsi haqda açıqlama verib.Bu barədə yerli "ta3” telekanalı məlumat yayıb.
"Mən hökumətin siyasəti ilə razı deyiləm”, - deyə o bildirib.
21:57
Slovakiyanın Baş naziri Robert Fitsonu güllələyən yazıçı Yuray Çintulanın oğlu hadisədən sonra danışıb.Bu barədə Slovakiyanın "Aktuality” nəşri məlumat yayıb.
Onun sözlərinə görə atası ona Baş naziri öldürmək planları barədə heç nə deməyib:
"Atamın nə planlaşdırdığı, bu hadisənin nə üçün baş verdiyi barədə heç bir fikrim yoxdur”.
O, atasının qanuni olaraq odlu silaha sahib olduğunu etiraf edib.
***
Slovakiyanın Baş naziri Robert Fitsonu güllələyən şəxsin kimliyi məlum olub.
"Dennik. N” nəşri xəbər verir ki, şübhəli şəxs yazıçı və şair, DÚHA ədəbi klubunun yaradıcılarından biri, Proqressiv Slovakiya partiyasının tərəfdarı Yuray Çintuladır.
Məlumata görə, həmin şəxs əlində olan qısa lüləli tüfəngdən atəş açıb.Polis sui-qəsddən sonra onu saxlayıb.
17:57
Slovakiyanın Baş naziri Robert Fitso atışma zamanı yaralanıb.Bu barədə xarici media xəbər verir.
Fitsonun başından və qarnından yaralandığı, atəş açan şəxsin isə saxlanıldığı bildirilir.
İlkin məlumata görə, hadisə Slovakiya Nazirlər Kabinetinin iclasından sonra baş verib. Belə ki, Robert Fitso ictimaiyyət qarşısına çıxdıqda bir neçə atəş səsi eşidilib.
Robert Fitso 2023-cü ildən Slovakiyanın Baş naziridir. O, bundan əvvəl 2006-2010 və 2012-2018-ci illərdə də bu vəzifəni icra edib.
www.anews.az
Son xəbərlər 
Cəmiyyət
12:19
Cəmiyyət
12:03
İqtisadiyyat
11:28
İqtisadiyyat
10:34
İqtisadiyyat
10:28
Foto 
Video 
