Bakı şəhərinin Nobel prospektinin 2-4-cü zolaqlarında dünən aparılan təmir işləri bu gün 1-2-ci zolaqlarında davam etdirilir. Təmir işlərinin yaxın saatlarda başa çatacağı gözlənilir.

ANN.Az "Report"a istinadən xəbər verir ki, bu barədə  məlumat Nəqliyyatı İntelektual İdarəetmə Mərkəzindən (NİİM) məlumat verilib. "Hazırda Nobel prospektinin Zığ istiqamətində 1-ci və 2-ci zolaqları burada aparılan təmir işləri ilə əlaqədar bağlıdır. Prospektin yaxın saatlarda avtomobillərin hərəkəti üçün açılması gözlənilir", - deyə Mərkəzdən bildirilib.

Mərkəzdən qeyd olunub ki, hazırda Sumqayıt-Bakı şosesi, Salamzadə körpüsü - Qələbə dairəsi istiqamətində, Zərifə Əliyeva küçəsi, Səməd Vurğun küçəsi, Heydər Əliyev adına Təhsil Kompleksinin qarşısı və Həsənoğlu küçəsində tıxac müşahidə olunur. "Həmçinin, Afiyəddin Cəlilov küçəsində nisbətən sıxlıq var", - deyə NİİM-dən bildirilib.