Şuşanın turizm paytaxt seçilməsi Qarabağa turist axınını artıracaq - İƏT

2026-cı ildə Şuşanın turizim paytaxtı seçilməsindən sonra Qarabağın turizm potensialı artacaq. Bunu APA-ya açıqlamasında qtisadi Əməkdaşlıq Təşkilatının (İƏT) turizm proqramı üzrə məsul şəxsi Hasan Tufan deyib. 

"Şuşanı İqtisadi Əməkdaşlıq Təşkilatı (İƏT) üzv ölkələrin turizm paytaxtı seçməkdə məqsədimiz bu şəhərin üzv ölkələrdə tanıdılmasını həyata keçirməkdir. O bildirib ki, daha sonra üzv ölkələr qatıldıqları turizm tədbirləri və sərgilərdə paytaxt seçilən şəhərlər barədə təbliğat aparırlar. Həmçinin 2026-cı ildə Şuşa paytaxt seçildikdən sonra Azərbaycandan bir sıra tədbirlərin orada keçirməsini istəyəcəyik. Şuşanın turizm paytaxtı elan edilməsi, ümumilikdə Qarabağın da turizm potensialını artıracaq. Qarabağın işğaldan azad edilməsi ilə bir sıra ölkələrdən, xüsusilə də Türkiyədən kifayət qədər səyyahlar, "Youtube" bloggerləri həmin ərazilərə gəlib, bölgə ilə bağlı təbliğat aparıblar", - o deyib.

 

Yanvarın 23-ü Baş nazir Əli Əsədov İslam ölkələrinin mədəniyyət paytaxtlarının "Şuşa şəbəkəsi" yaradılması ilə bağlı "Şuşa şəhərinin 2024-cü il üçün "İslam dünyasının mədəniyyət paytaxtı” elan edilməsi ilə bağlı Tədbirlər Planı”nı təsdiq edib.

Bundan öncə  Qaçqınların və Məcburi Köçkünlərin İşləri üzrə Dövlət Komitəsi ilkin mərhələdə Şuşaya 50 məcburi köçkün ailəsinin köçürülməsinin planlaşdırıldığını qeyd edib. Keçmiş məcburi köçkünlər Şuşada 23 binadan ibarət ilk yeni yaşayış kompleksində yerləşdiriləcək.

Prezidentinin Şuşada xüsusi nümayəndəliyinin baş məsləhətçisi Kənan Quliyev bildirib ki, "Böyük qayıdış” Dövlət Proqramına əsasən, Şuşada ötən ilin avqust-sentyabrdan başlayaraq 450 mənzillik 23 yaşayış binasının tikintisinə başlanılıb.
 
Şuşa 1992-ci il mayın 8-də Ermənistan Silahlı Qüvvələri tərəfindən işğal olunub, 2020-ci il noyabrın 8-də Azərbaycan ordusu tərəfindən azad edilib. 

Aygün