2022-ci ildə "Azəristiliktəchizat”a yaranmış zərərin örtülməsi üçün dövlət büdcəsindən 41,1 milyon manat ayrılıb. Bu barədə "2022-ci il dövlət büdcəsinin icrasına dair illik hesabat"da bildirilir.

Bildirilir ki, liftlərin istismarı, onların təmiri, xidmət edilməsi və maya dəyərindən aşağı olması nəticəsində göstərilən xidmətlərə görə yaranmış zərərin örtülməsi üçün ümumilikdə 5,8 milyon manat subsidiya verilib.

 

2022-ci ildə "Azəristiliktəchizat” 1759 QVt istilik enerjisi istehsal edilib.

 

2022-ci ildə cəmiyyətə məxsus 562 qazanxana və 88 istilik məntəqəsi istismar edilməklə 3866 yaşayış binası, 184 minə yaxın mənzil, 286 məktəb, 160 uşaq bağçası, 150 səhiyyə müəssisəsi və 2445 digər sosial və təsərrüfat obyektlərinin istiliyi fasiləsiz təmin olunub.