"Toplum TV" ölkədə fəaliyyətini dayandırdığını bəyan edib

 

Kanal bildirib ki, öz fəaliyyətini xaricində yaşayan jurnalistlər vasitəsilə həyata keçirəcək.

 

"Toplum TV” işi üzrə ibtidai istintaq başa çatıb. Yaxın zamanlarda məhkəmə proseslərin başlanacağı gözlənilir. 

 

Təsisçi Ələsgər Məmmədli də daxil olmaqla, təqsirləndirilən şəxslərin hamısına 6 maddə ilə yekun ittiham elan edilib.


Bunar Cinayət Məcəlləsinin 206.4 (qaçaqmalçılıq-mütəşəkkil dəstə tərəfindən törədildikdə), 192.3.2 (qanunsuz sahibkarlıq-mütəşəkkil dəstə tərəfindən törədildikdə), 193-1.3.1, 193-1.3.2 (cinayət yolu ilə əldə edilmiş xeyli miqdarda pul vəsaitlərini leqallaşdırma-mütəşəkkil dəstə halında birləşməklə törədildikdə), 213.2.1 (vergidən yayınma-mütəşəkkil dəstə tərəfindən törədildikdə) və 162-1-ci (əmək müqaviləsi olmadan işçilərin hər hansı işə cəlb edilməsi) maddələridir. 

 

"Toplum TV" üzrə sonuncu saxlanılan şəxslər Fərid İsmaılov və Şahnaz Bəylər olub. 

 

Bir neçə gün öncə hüquq müdafiəçiləri Prezidentə müraciət edərək onun ev dustaqlığına buraxılmasını xahiş edib. 

 

Gülnar Nazimqızı