Oktyabrın 15-də 18 nəfərin Tovuz rayonunda fəaliyyət göstərən iaşə obyektindən alıb qəbul etdikləri dönərdən zəhərlənmələri şübhəsilə Tovuz Rayon Mərkəzi Xəstəxanasına müraciət etmələri faktı ilə bağlı  rayon prokurorluğunda araşdırma aparılır. Bu barədə Baş Prokurorluğdan bildirilib. 


"Zəhərlənmənin səbəbinin müəyyənləşdirilməsi məqsədilə prokurorluq əməkdaşları tərəfindən Azərbaycan Respublikasının Qida Təhlükəsizliyi Agentliyi əməkdaşlarının iştirakı ilə həmin iaşə obyektindəki  qidalardan nümunələr götürülərək müvafiq ekspertizalar təyin edilib və digər zəruri prosessual hərəkətlər icra olunub", - məlumatda deyilir. 
 

 

 

Bir neçə gün öncə Qazax da dönərdən kütləvi zəhərlənmə halı baş vermişdi. 

 

AQTA açıqlama vermişdi ki, hazırda məsələ araşdırılır.