Tramp andiçmə mərasimindən sonra 100 sərəncam imzalayacaq

Dünya

21:24 | 13.01.2025

Tramp andiçmə mərasimindən sonra 100 sərəncam imzalayacaq

ABŞ-ın yeni seçilmiş prezidenti Donald Tramp yanvarın 20-də andiçmə mərasimindən dərhal sonra 100-dən çox sərəncam verməyi planlaşdırır. Xüsusilə, Ağ Evdə ilk iş günündə enerjinin inkişafı, sərhəd təhlükəsizliyi, deportasiya və onun prioritet təşkil etdiyi digər məsələlərlə bağlı sərəncamlar verməyə hazırlaşır.

Prezident Kapitoli təpəsində qapalı iclasda respublikaçı senatorlara bildirib ki, vəzifəyə başladığı gün 100-dən çox icra sərəncamı imzalamağı planlaşdırır. Sənədlər həmçinin ölkənin səhiyyə və təhsil kimi sahələrində "prioritet” məsələlərini əhatə edir.

Bu arada Trampın Ağ Ev aparat rəhbərinin siyasət üzrə müavini təyin etməyi planlaşdırdığı Stiven Miller senatorlara sərhəd təhlükəsizliyi və immiqrasiya siyasəti ilə bağlı görülməli olan tədbirlərdən danışıb.

Öz növbəsində ABŞ-ın respublikaçı senatoru Ceyms Lankford bildirib ki, Tramp administrasiyası ilk növbədə ölkəyə daxil olan və cinayət törətmiş 1 milyona yaxın miqrant haqqında tədbir görəcək.

Aytac

www.anews.az

Bizi sosial şəbəkələrdə izləyin !