Bu barədə Türkiyə enerji və təbii qaynaqlar naziri Taner Yıldız deyib

"Xəzərdə 486 kvadrat kilometrlik bir sahədə 50 illiyinə hissə almışıq. Məqsədimiz yeni ehtiyatlarımızın miqdarını artırmaqdır".

ANS PRESS-in məlumatına görə, bu sözləri Türkiyə enerji və təbii qaynaqlar naziri Taner Yıldız deyib. O bildirib ki, enerji sərhədlərini, iqtisadi sərhədlərimizi 60 milyard dollarlıq həcmə qədər genişləndirmək niyyətindəyik:

"Artıq yeni neft ehtiyatları tapmışıq. Hər gün 300, 500 və 1000 barel yanacaq çıxarırıq. Əlbəttə, bu Türkiyənin ehtiyacının hamısını qarşılamır. Amma, bunu davam etdirərək ehtiyatlarımızı artırmaq istəyirik".

Türk nazir ölkəsindəki təbii qazın qiyməti ilə bağlı da danışıb. O bildirib ki, Avropa Birliyindəki 28 üzv ölkə arasında təbii qazdan istifadəyə görə ən ucuz ölkə Türkiyədir. Nazir qeyd edib ki, Türkiyədə təbii qaz ucuz qiymətə satılır və bu vəziyyət qaneedicidir.

ANN.Az