Türkiyə hakimiyyəti ölkəyə gələn əcnəbilərdən barmaq izlərini almağı planlaşdırır. Bu barədə "Sabah” qəzetinə respublikanın Daxili İşlər Nazirliyinin rəhbəri Əli Erlikaya məlumat verib.
Nazir layihənin nə vaxt başlayacağını açıqlamayıb.
"ABŞ və İngiltərədə olduğu kimi Türkiyəyə girərkən barmaq izlərini götürəcəklər”, - o bildirib.
Türkiyə Daxili İşlər Nazirliyinin rəhbəri respublikada müvəqqəti mühafizə statusu almış şəxslərin şəxsiyyət vəsiqələrinin çiplənməsi planlarını da açıqlayıb. Bu, ilk növbədə, ölkədə yaşayan Suriya vətəndaşlarına aiddir. Nazir qeyd edib ki, belə sənədləri saxtalaşdırmaq mümkün deyil və onların istehsalına artıq başlanılıb.
Türkiyə Daxili İşlər Nazirliyinin məlumatına görə, respublikada 4,4 milyon əcnəbi var ki, onlardan 3,1 milyonu Suriya vətəndaşıdır.
Gülnar
www.anews.az
Bizi sosial şəbəkələrdə izləyin !
