Ukrayna ordusunda türk batalyonu fəaliyyət göstərir - The New York Times

11:30 | 12.01.2023
Ukrayna ordusunun tərkibində Qafqaz, Orta Asiya və Rusiyadan olan türkdilli etnik qrup nümayəndələrindən ibarət könüllü batalyon fəaliyyət göstərir. Bu barədə "The New York Times”  məlumat verib. 

"Batalyona vətənində və Əfqanıstanın Qəndəhar şəhərində Amerika bazalarında saç ustası işləyən Qırğızıstandan olan qaçqın Almaz Kudabek rəhbərlik edir. Qrupa azərbaycanlıları, tatarları və çinli uyğurları cəlb etdiyini deyən Kudabek Rusiyadakı türkdilli azlıqların marginallaşmasından və sıxışdırılmasından danışır. Onun sözlərinə görə, Moskva ədalətsiz olaraq, Rusiyanın ucqar və kasıb rayonlarından, o cümlədən türkdilli etnik azlıqların məskunlaşdığı ərazilərdən hərbi xidmətə çağırılanları müharibəyə cəlb edib. Onların  etnik ruslardan daha çox itki verir", - qəzet yazır. 

Batalyon rəhbərinin sözlərinə görə,  onun bölməsinin üzvləri təxribat missiyaları ilə Ukraynanın Rusiya tərəfindən işğal olunmuş ərazisinə daxil ola və hətta rus əsgərlərini təqlid edə bilərlər.

"Biz sadəcə ruslarla döyüşmək istəyirik. Biz onların nə olduğunu bilirik", - deyə Kudabek əlavə edib.
 
N.Təbrizli

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb