Ukraynada təyyarə qəzası ilə bağlı xüsusi işçi qrup yaradılıb

13:56 | 18.01.2023
Ukraynada baş verən təyyarə qəzasının ətraflı araşdırmaq üçün xüsusi qrup yaradılacaq. Bunu Ukraynanın baş naziri Denis Şmihal Telegram kanalında məlumat verib.

Təyyarənin qəzaya uğraması nəticəsində azı 18 nəfər ölüb. Onların arasında Ukraynanın daxili işlər naziri Denis Monastırski, onun müavini Yevgeni Enin, nazirliyin dövlət katibi Yuri Lubkoviç də var.

Baş nazir bütün həlak olanların ailələrinə başsağlığı verib.

"Mən dərhal faciənin bütün hallarının təfərrüatlı araşdırılması üçün xüsusi qrupun yaradılmasını tapşırdım”, - Şmihal vurğulayıb.
 
Ukraynanın Daxili İşlər Nazirliyinin məlumatına görə, qəza səbəbləri sırasında helikopterdə nasazlığın olması, təhlükəsizlik tədbirlərinin pozulması və təxribat variantları da var

Kiyev  rəhbəri Oleksiy Kulebanın sözlərinə görə,  təyyarə qəzası qurbanlarının sayı artmaqda davam edir.  Saat 10.30-a olan məlumata görə, 3-ü uşaq olmaqla 18 nəfər ölüb.

Hazırda hüquq-mühafizə orqanlarının əməkdaşları Kiyev vilayətinin Brovarı şəhərində helikopter qəzasının bütün mümkün versiyalarını nəzərdən keçirirlər.
 
Aytac Zeynalova


www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb