Unibank “Media savadlılığı” həftəsinə dəstək verir

Bu gündən dekabrın 22-dək ölkəmzdə "Media savadlılığı” həftəsi keçirilir. Unibank KB Medianın İnkişafı Agentliyinin təşkilatçılığı ilə keçirilən savadlılıq həftəsinin tərəfdaşları sırasındadır.

"Media Savadlılığı” həftəsinin keçirilməsində məqsəd cəmiyyətdə media savadlılığına dair fərqindəliyin artırılması və uğurlu beynəlxalq təcrübənin öyrənilməsi, həssas istifadəçi qrupu hesab olunan gənclərin bilik və bacarıqlarının inkişafı, informasiya mənbələri və axını ilə səmərəli qarşılıqlı əlaqənin qurulması, həmçinin məsuliyyətli rəqəmsal vətəndaşlığın təbliğ edilməsidir.