Ursula von der Leyen haqqında cinayət araşdırmasına başlanıb

15:17 | 01.04.2024
Ursula von der Leyen haqqında cinayət araşdırmasına başlanıb

Ursula von der Leyen haqqında cinayət araşdırmasına başlanıb

Belçika prokurorlarının Avropa Komissiyasının (AK) rəhbəri Ursula fon der Leyenə qarşı Pfizer-dən koronavirus peyvəndi alması ilə bağlı cinayət araşdırması Aİ prokurorluğunun əlinə keçib. Bu barədə "Politico” qəzetinin Avropa nəşri Lyej (Belçika) prokurorluğunun adı anonim saxlanılan nümayəndəsinə istinadən məlumat yayıb.


Onun sözlərinə görə, Aİ prokurorluğu bir neçə ay əvvəl fon der Leyenin əczaçılıq şirkətinin baş direktoru Albert Bourla ilə Pfizer vaksinlərinin alınması ilə bağlı danışıqları ilə bağlı araşdırmalara başlayıb. Nəşrin nəzərdən keçirdiyi hüquqi sənədlərə əsasən, hüquq-mühafizə orqanları "dövlət funksiyalarına müdaxilə, SMS-lərin silinməsi, korrupsiya və maraqların toqquşması” faktlarını yoxlayır. Qeyd olunur ki, Aİ prokurorluğu ilk dəfədir ki, Aİ rəhbərinə qarşı birbaşa işin araşdırılmasına başlayıb, lakin ona qarşı rəsmi ittiham hələ irəli sürülməyib.

Macarıstan da işə qoşulub, fon der Leyenin peyvənd danışıqlarındakı rolu ilə bağlı şikayət ərizəsi ilə çıxış edib. Qəzet xatırladıb ki, Polşa 2023-cü ildə oxşar şikayətlə müraciət edib, lakin baş nazir Donald Tusk hökuməti hakimiyyətə gəldikdən sonra şikayəti geri götürüb.

2021-ci ilin əvvəlindən Avropa Komissiyası altı Qərb istehsalçısı ilə 2024-cü ilə qədər 3 milyard dozadan çox koronavirus peyvəndinin tədarükü üçün Aİ adından bir sıra müqavilələr bağlayıb. İlk müqavilə Pfizer ilə imzalanıb. Avropa Komissiyasının rəhbəri Ursula fon der Leyen bu peyvəndin klinik sınaqları başa çatmazdan əvvəl bu müqavilənin parametrlərini birbaşa SMS vasitəsilə şirkət rəhbərliyi ilə razılaşdırıb. İctimaiyyətin tələblərinə baxmayaraq, Avropa Komissiyası bu yazışmaların "təsadüfən itirildiyini" iddia edərək, ictimaiyyətə açıqlamaqdan imtina edib. 
 
N.Təbrizli

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb