İtkin düşən alpinistin meyiti 31 il sonra tapıldı - Üzərindən bunlar çıxdı

Metbuat.az "Milliyyet.com"a istinadla bildirir ki, 36 yaşında itkin düşən alpinist Yelena Baskinanın ölümündəki sirrin üstü bu həftə açılıb. Bir qrup turist Elbrus dağının 4 min metrliyində donmuş qadın meyiti tapıblar. Meyitin üzərindən Yelena Baskinanın SSRİ pasportu və 1987-ci ildə 10 aprel tarixinə alınmış təyyarə bileti çıxıb.

Yelena Baskina 6 alpinistlə birlikdə həyatını itirsə də, ailəsi illərcə onun qaçırıldığı ya da əsir saxlandığını güman ediblər.

Yelenanın anası həyatdan köçüb. Rusiya mediasına müsahibə verən qohumu isə "Yelenanı 31 ildir ki, gözləyirdik" - deyib.

"Komsomolskaya Pravda" qəzeti bir zamanlar Moskvada araşdırma universitetində işləyən və subay olan Baskinanın həyatındakı ən böyük eşqin dağlar olduğunu yazıb.