İŞİD-in İstanbulda terror planının eskizi ələ keçdi - VİDEO

Konyada bir evdə aparılan axtarış zamanı İŞİD-in İstanbulun ən iri ticarət mərkəzi hesab olunan "Kapalıçarşı"da həyata keçirmək istədiyi qorxunc planı ortaya çıxıb.ANN.Az xəbər verir ki, Türkiyə təhlükəsizlik qüvvələri eyni zamanda həmin ünvanda "Kalaşnikov" avtomatı, əl bombaları, partlayıcılar, mina və kamikadze gödəkçələri aşkar ediblər. Əməliyyat əldə olunan anonim xəbər əsasında həyata keçirilib. Hazırda Türkiyənin təhlükəszilik qüvvələri ölkənin əksər şəhərlərinin giriş-çıxışlarında, metro binalarında, "hücrə evi" ehtimalı daşıyan ünvanlarda və boş ərazilərdə nəzarəti artırıblar. Alınan məlumata görə, İŞİD yaraqlılarının Türkiyəyə istiqamətli terror hücumu riskinin artması səbəbilə bütün təhlükəsizlik güclərinə "İŞİD-ə qarşı diqqətli ol" xəbərdarlığı edilib. Bundan əlavə oktyabrın 19-da Qaziantepdə həyata keçirilən əməliyyat nəticəsində 10 ədəd "kalaşnikov", 2 min 280 "kalaşnikov" gülləsi, 40 əl bombası, 40 mina, 14 kilo TNT partlayıcı və 9 kamikadze gödəkçəsi ələ keçirilmişdi. Əməliyyatla əlaqəli olaraq iki nəfərə şübhəli şəxs qismində nəzarətə alınmışdı. Onların ölkəyə silah gətirdikləri və "canlı bomba" - kamikadze aktivistləri olduqları irəli sürülmüşdü.Konyada ələ keçirilən terror aktı planına görə "Kapalıçarşı"da partlayış həyata keçirildikdən sonra Konya, Ankara, Qaziantepdə də müəyyən nöqtələr hədəf salınmalı imiş.ANN.Az