Ətraf mühiti ən çox çirkləndirən ölkələr - SİYAHI

Dünyada ətraf mühiti ən çox çirkləndirən ölkələrin siyahısı açıqlanıb. 

ANN.Az-ın "euronews.com"a istinadən xəbərinə görə, Avropa Birliyi dünyada qlobal istiləşməyə və parnik effektinə səbəb olan karbon dioksidin (CO2) buraxılmasına görə dünyada dördüncü yerdədir.  

Avropa Birliyinin Qlobal Karbon Layihəsinin məlumatına görə, 2013-cü ildə bu sahədə Avropa Birliyində 1.8% azalma, Hindistanda 5%, Çin və ABŞ-da isə artım müşahidə olunub. Dünyada ətraf mühiti ən çox çirkləndirən ölkələrin top-10-luğu belədir, rəqəmlər CO2-ni milyon tonla göstərir:

1. Çin --> 9977

2. ABŞ --> 5233

3. AB --> 3487

4. Hindistan --> 2407

5. Rusiya --> 1812

6. Yaponiya --> 1246

7. Almaniya --> 759

8. Cənubi Koreya --> 616

9. İran --> 611

10. Səudiyyə Ərəbistanı --> 519

Sentyabrın 22-də Nyu Yorkda keçirilən iqlim sammitində dünya liderləri problemin həlli üçün konkret addımların atılacağını bildiriblər. Alimlər bildirirlər ki, havaya CO2-nin buraxılması indiki səviyyədə qalsa, havanın temperaturu 30 il müddətində 2 selsi dərəcənin altında qalacaq. 

 İlk dəfə olaraq Avropa Birliyi ilə Çinin CO2 buraxılmasının səviyyəsi adambaşına görə bərabərləşib. Çinin tullantıları ABŞ və Avropa Birliyinin cəmindən daha çoxdur. Çin tullantıların ancaq 16%-dən mallar və xidmətlər üçün istifadə edir. 

Avropa Birliyinin İqlim fəaliyyəti üzrə komissarı Konni Hedeqard "Tvitter" hesabında iqlim dəyişikliyi problemini Çinin iştirakı olmadan həll etməyin mümkünsüz olduğunu bildirib.

Avropa Birliyində havanı çirkləndirən ölkələrin top-10-luğu belədir:

1. Almaniya --> 759

2. Britaniya --> 462

3. İtaliya  --> 353

4. Fransa  --> 344

5. Polşa  --> 312

6. İspaniya  --> 240

7. Hollandiya --> 165

8. Çex Respublikası --> 101

9. Belçika --> 99

10. Rumınya --> 76 

İspaniya, Rumıniya, Yunanıstan, Bolqarıstan, Litva və Birləşmiş Krallıq son 12 ayda tullantıları əvvəlki illərə nisbətən azaldıblar. 

 ANN.Az