Saakaşvilinin ailə əmlakına həbs qoyuldu

Gürcüstan Baş Prokurorluğu keçmiş prezident Mixail Saakaşvilinin əmlakına həbs qoyub. 

ANN.Az-ın xəbərinə görə, həbs olunan mülk eyni zamanda onun həyat yoldaşı Sandra Rulofsun, eləcə də ana və nənəsinin mülkiyyətidir. 

Saakaşvilinin vəkili Otara Kaxidzenin bildirdiyinə görə, bağ evinə, Tiflisdəki mülk və maşınlara həbs qoyulub. 

Vəkil qeyd edib ki, prokurorluğun əmlakı həbs etməsi qanunsuzdur və bu barədə İnsan Hüquqları üzrə Strazburq Məhkəməsinə müraciət etməyi planlaşdırırlar. 

Prokurorluq tərəfindən Mixail Saakaşviliyə qarşı 2014-cü ilin yayında cinayət işi açılıb. O, büdcə vəsaitinin mənimsəniləmsi və səlahiyyətlərindən sui-istifadə etməkdə günahlandırılır. 

 ANN.Az