Gülnarə Kərimovanın həbsdəki görüntüləri yayıldı - FOTOLAR

Özbəkistan prezidenti İslam Kərimovun qızı Gülnarə Kərimovanın ev həbsindəki şəkilləri yayılıb. 

ANN.Az-ın verdiyi xəbərə görə. Kərimovanın şəkillərini ingilis şirkətlərindən birinin saytı yayıb. Fotolarda rüşvətdə  ittiham edilən və 7 aydır ki, ev həbsində saxlanılan 42 yaşlı Gülnarə mühafizəçilərlə mübahisə edir. 

İngilis şirkəti Kərimovanın siyasi səbəblərdən tutulduğunu və dərhal azadlığa buraxılmasının vacib olduğunu bildirib.

Gülnarə Kərimova bir müddət əvvəl "BBC"yə məktub yazaraq, vəziyyətinin pis olduğunu, özünə və qızına "itdən də betər" münasibət göstərildiyini bildirmişdi. 

Özbək liderin qızı Özbəkistanda telefon lisensiyası almaq istəyən İsveç şirkətindən 300 milyon dollar rüşvət almaqda ittiham edilir. İsveç prokurorluğu hazırda məsələylə bağlı iddiaları araşdırır. 

ANN.Az