Ərdoğan İŞİD-lə bağlı ittihamlara CAVAB VERDİ

 Türkiyə prezidenti Rəcəb Tayyib Ərdoğan Qətər səfərindən dönərkən təyyarəsində jurnalistlərin suallarını cavablandırıb. ANN.Az dünya mətbuatına istinadən xəbər verir ki, prezident son günlər ABŞ mediasında dərc olunan ittihamlara cavab verib. "New York Times" qəzetində dərc olunan "Türkiyə İŞİD-ə neft satır" ittihamını cavablandıran Ərdoğan "ABŞ mediası Türkiyəyə pis niyyətlə yanaşır Çox çirkin, yalan və alçaldıcı bir ifadədir. ABŞ mediası bu kimi xəbərlər verməkdə çox mahirdir" - deyə münasibət bəsləyib. Prezident daha sonra qeyd edib ki, Türkiyə terrora qarşı mübarizə aparan bir ölkədir: "Terrordan çox əziyyət çəkmişik. Qeyri-rəsmi yollarla gələn nefti məhv edirik.  Beş min ton qaçaqmal nefti məhv etdik. Türkiyə bu məsələdə həssasdır. İŞİD ya da petrol qaçaqmalçılığı edən təşkilatlarla əməkdaşlığımız mümkün deyil" . Ərdoğan Misirin "Müsəlman qardaşları" təşkilatının üzvlərinin Türkiyədən sğınacaq istəməsinə dair suala cavab olaraq bildirib ki, əgər onların belə bir tələbləri olarsa, araşdırılacaq və qərar veriləcək: "Gəlmələrini əngəlləyəcək səbəblər varsa, ayrıca baxılacaq. Bununla bağlı Türkiyə rəsmilərinin Misirdə görüşlər keçirməsi doğru deyil". ANN.Az