Deşilmiş ozon qatından xəbər var: Xərçəngdən qorxanların nəzərinə

Bizim dəri xərçəngimizə tutulmağımıza səbəb olan ultra-bənövşəyi şüaların qarşısını alan və Yer planetini mühafizə edən Ozon təbəqəsi yavaş-yavaş bərpa olunur. 

ANN.Az "euronews.com"a istinadən verdiyi xəbərə görə, bu barədə Dünya Meterelogiya Təşkilatı və BMT Ətraf mühit proqramı birgə hesabatla çıxış edib. 

Bu, Yer planeti sakinləri üçün yaxşı xəbərdir. Ozon qatının bərpaya doğru getməsi 1987 Montreal Sazişinin təsiridir. Saziş Ozon qatını dağıdan və bir zamanlar soyuducularda və müxtəlif sprey qablarında istifadə xlorofloqon  (CFCs) kimi kimyəvi maddələrdən istifadəni qadağan edirdi. 

Hesabatın hazırlanmasında 300 elm adamı iştirak edib. BMT proqramının icraçı direktoru Axim Şteyner açıqlamasında bildirib: 

"Monreal protokolu ildə təqribən 2 milyon insanın dəri xərçənginə tutulmasının qarşısını alır. Saziş imzalananda bəri 100 milyonlarla insan xərçəng xəstəliyinə yoluxmaqdan xilas olub".

Buna baxmayaraq, hesabatın özü bir xəbərdarlıqdır. Ozon qatının deşilməsinə səbəb olan bəzi təhlükəli kimyəvi birləşmələr sürətlə çoxalır, onlar həmçinin güclü istixana qazları sayılırlar. Antarktika üzərində deşilmiş Ozon təbəqəsinin bərpa olunmağa başlamasına baxmayaraq, onun gələcəkdə yenidən dağılması ehtimalı var. 

ANN.Az