İsveç Ukraynadakı vəziyyətə görə döyüş hazırlığı səviyyəsini artırdı

İsveç Silahlı Qüvvələrinin rəhbərliyi Ukraynadakı vəziyyətə görə yüksək döyüş hazırlığı səviyyəsinə gətirilib.

APA-nın “TSN”-ə istinadən verdiyi xəbərə görə,   İsveç Silahlı Qüvvələrinin məlumatında deyilir. “Ukraynadakı hadisələrin ciddi şəkildə inkişaf etdiyini nəzərə alaraq, İsveç ordusu digər tədbirlərlə yanaşı Baş Qərargahını yüksək döyüş hazırlığı səviyyəsinə gətirib”, deyə məlumatda bildirilir.   

Qeyd edək ki, İsveç hazırda Finlandiyada beynəlxalq təlimlərdə iştirak edir. Bundan əvvəl ölkənin qırıcı təyyarələri Baltik dənizindəki Qotland adasına köçürülmüşdü.  

ANN.Az