Ukraynada şiddətli döyüşlər davam edir

İlovaysk şəhəri artıq 6 gündür mühasirədədir. Yaralıların bəziləri bölgədən təxliyyə edilsə də, hələ də yardıma ehtiyacı olan insanlar var. Ukrayna ordusu şəhərdə separatçılara məxsus Rusiya T-72 tankını vurub. Yerli televiziyaların yaydığı videoda tankın özü və ondan tapılmış müxtəlif sənədlər göstərilir. Ekipaj üzvlərinin taleyi barədə isə məlumat verilmir.Ümumilikdə, 14 şəhərdə gedən döyüşlərdə son 24 saat ərzində 13 Ukrayna əsgəri öldürülüb. Separatçılar Novoazovsk bölgəsində 7 qəsəbəni ələ keçiriblər.Münaqişənin həlli istiqamətində siyasi təşəbbüslər isə davam edir. Avropa Birliyi Rusiyaya təzyiqləri artırmağı vacib sayır. Britaniya hökumətinin bəyanatına görə, böhranın hərbi yolla həlli mümkünsüzdür və Vladimir Putin siyasi həll tapmaq üçün tam hüquqlu danışıqlara başlamalıdır. Almaniya kansleri Angela Merkel isə Putinlə telefon danışığında rusiyalı hərbiçilərin Ukraynada necə peyda olmasının izahını tələb edib.Rusiyanın xarici işlər naziri Sergey Lavrov Qərbin ittihamlarına sərt cavab verib. Bildirib ki, Ukraynanın şərqində müharibə dərhal dayandırılmalıdır və Kiyev ölkədə bütün bölgələrin maraqlarına cavab verən dialoq təşkil etməlidir.BMT-nin məlumatına görə, aprel ayından bəri Ukraynanın şərqində gedən döyüşlərdə 2 min 200 nəfər ölüb.

ANN.Az