Qızının gözü önündə arvadının boğazını kəsən kişini məhkumlar ÖLÜMCÜL DÖYDÜ - VİDEO

Türkiyəni dəhşətə gətirən və cəmiyyəti qəzəbləndirən qatil həbs edilib.

Türkiyə mətbuatı xəbər verir ki, Kırıkkale rayonunda kafedə 38 yaşlı Emine Bulutu 10 yaşlı qızının gözləri qarşısında qətlə yetirən keçmiş həyat yoldaşı 43 yaşlı Fedai Baran həbs edilib.  Son məlumata görə, saxlanıldığı cəzaçəkmə müəssisəsində onu məhkumlar ölümcül vəziyyətə düşənədək döyüblər. Fedai Baran 10 yaşlı qızının gözü qarşısında keçmiş arvadını vəhşicəsinə qətlə yetirib. Onun boğazına bir neçə bıçaq zərbəsi vurub.

Daha sonra kafedən çıxan Fedai Baran uca səslə "bu fahişəni mən öldürdüm”, - deyərək ərazidən uzaqlaşıb. O, bir taksiyə minib. Sürücüyə isə "heyvan kəsdim” deyib.

Məlumata görə, onlar arasında mübahisə qızlarının vəkaləti üstündə başlayıb. Mübahisə zamanıFedai Baran qadına ailəsini, atasını öldürəcəyi ilə hədələyib.

10 yaşlı qızının gözləri qarşısında bıçaqlanan qadın "ölmək istəmirəm”, - deyə fəryad edib.

Qətlə yetirilən Emine Bulutun bacısı bildirib ki, Baran qadını öldürəndən sonra onun atasına zəng vurub "qızını it kimi öldürdüm, səni də tapıb gəbərdəcəyəm”, - deyib.





www.anews.az