Arnold Şvartsenegger ət yeməkdən imtina edib.

Arnold Şvartsenegger daha ət yemir. Terminatorun ulduzu, keçmiş bodibilder, Kaliforniyanın keçmiş qubernatoru bir neçə səbəbdən qida rasionundakı ətin miqdarını azaltması barədə danışıb. 

 

İqlim dəyişikliklərinin şahidi olan Şvartsenegger ətraf mühitin qorunmasının qızğın tərəfdarıdır. O, kommersiya xarakterli "Daha az ət daha az istilik deməkdir"  təşkilatının hazırladığı videoçarxda rejissor veqan Ceyms Kamerunla birgə çəkilərək fanatlarını ət istehlakını azaltmağa həvəsləndirib. 

 

Şvartsenegger həmçinin bu yaxınlarda özünə məxsus sosial kanallarda satirik video-rolik yayımlayıb və özü həmin videoda işlənmiş avtomobillər satıcısı rolunda çəkilib. Videoda satıcı ekektriklə işləyən avtomobillər almaq istəyən müştərilərə lap köhnə, havaya külli miqdarda qaz buraxan avtomobilləri təklif edir. Videoda məqsəd elektrikli avtomobillərin qazla işləyən avtomobillərdən üstün olduğunu vurğulamaqdır.

 

 Qeyd edək ki, Şvartsenegger veqan fəal Qreta Tunberqin böyük fanatıdır və onunla bu ilin əvvəlində Avstriyada keçirilən iqlim konfransında tanış olmuşdur.