FTB deputatı aeroportda saxlayıb dindirdi, restoranda görüş təklif etdi

ABŞ Federal Təhqiqatlar Bürosunun əməkdaşı Nyu-York aerportunda Rusiya Dövlət Dumasının deputatı, jurnalist İnqa Yumaşevanı saxlayıb və bir saatdan çox dindirib. 


Anews.az virtualaz.org-a istinadən xəbər verir ki, bu barədə Rusiyanın Vaşinqtondakı səfiri Anatoli Antonov bildirib.


Deputat "Fort-Ross Dialoqu” forumunda iştirak etmək üçün ABŞ-a getmişdi. Forum bu gün oktyabrın 6-da işə başlayır. Səfirin sözlərinə görə, Yumaşevaya "tamamilə qaranlıq, aydın olmayan və qəbuledilməz” sualar veriblər.






"Bundan əlavə ona FTB əməkdaşı ilə başqa yerdə, qeyri-formal şəraitdə görüşmək və ünsiyyəti davam etdirmək təklif olunub”,-Antonov bildirib.


O əlavə edib ki, söhbət son illərdə Rusiya-Amerika laqələrinin inkişafında və yaxşılaşmasında çox iş görmüş deputatdan, siyasətçidən gedir.


 "Mən təsəvvür edə bilmirəm ki, əgər bizim xüsusi xidmət orqanları hansısa senatoru, yaxud Konqresin aşağı palatasının üzvünü saxlasaydı nə baş verərdi. Həmin senatorları ki, viza almadıqları barədə qışqırırlar, yaxud viza alıb Rusiya Federasiyasına gəliblər. Onları ayrıca otağa aparardılar, sorğu-sual edərdilər və daha sonra haradasa yaxınlıqda, Şeremetyevoda restoranlardan birində kofe içməyi təklif edərdiilər”,-səfir əlavə edib.






Rusiya Dövlət Dumasının spikeri Vyaçeslav Volodin isə bəyan edib ki, ABŞ xüsusi xidmət orqanlarının əməkdaşlarının deputat İnqa Yumaşevanı saxlayıb dindirməsi həyasız təxribatdır və beynəlxalq öhdəliklərin pozulmasına dair növbəti nümunədir.


"Birləşmiş Ştatların hərəkəti onun üzərinə götürdüyü beynəlxalq öhdəliklərin pozulmasının növbəti nümunəsidir. Yumaşeva beynəlxalq forumda iştirak etmək üçün dəvət almışdı və ona Amerika səfirliyi viza vermişdi”,-spiker deyib.






İnqa Yumaşeva Dövlət Dumasında ABŞ Konqresi ilə əlaqələr üzrə işçi qrupunu koordinasiya edir. Volodin bildirib ki, ölkələr arasında neqativ atmosfer yaradan belə hərəkətlər yolverilməzdir və qınanılmalıdır.


Yumaşeva "Vahid Rusiya” partiyasının siyasından seçilib və Başqırdıstan respublikasını tmsil edir. Dövlət Dumasında beynəlxalq işlər komitəsinin tərkibinə daxildir. FTB-nin onu niyə saxladığı və hansı suallar verdiyi haqda məlumat verilmir.

www.anews.az