20 yaşlı xanımın başına dəhşətli hadisə gəldi - Qabırğaları sındı

 

"Lenta.ru”nun "Daily Mail”ə istinadən verdiyi xəbərə görə, adı açıqlanmayan 20 yaşlı qadın gecələr öskürəkdən əziyyət çəkib. Müayinədən sonra astma xəstəliyi diaqnozu qoyulub və inqalyatorla (dərman qəbul etmək üçün aparat) evə yola salınıb.

 

Buna baxmayaraq, öskürəyi güclənən qadın bir neçə gün sonra sinəsinin sol nahiyəsindəki bərk ağrılar səbəbi ilə yuxudan oyanıb.

 

Rentgen müayinəsində 10 ədəd qabırğasının sındığı məlum olub. Həkimlər xəstəyə sümük zəifliyi - D vitamininin azlığı və qanda kalsium və fosfor çatışmazlığı diaqnozunu qoyublar.

 

Məlum olub ki, qadın parlaq dəriyə sahib olmaq arzusunda olub. Məqsədinə çatmaq üçün az hallarda küçəyə çıxıb. İl boyu günəş şüası əleyhinə vasitələrdən istifadə edib. Bu isə tələb olunun ultrbənövşəyi şüaların qəbulunun qarşısını alıb.

 

Tərcümə: Cavid Zahidoğlu