Trampdan Tehrana xəbərdarlıq: “Biz ən güclüyük, iki trilyonluq silahlarla...”

General Qasım Süleymaninin ölümündən sonra Tehranla Vaşinqton arasında qarşılıqlı təhdidlər davam edir.
Oxu.Az xəbər verir ki, ABŞ Prezidenti Donald Tramp növbəti dəfə "Twitter” hesabı vasitəsilə İranı təhdid edib.

"Onlar bizə hücum etdi və biz də qarşılıq verdik. Əgər yenidən hücum etsələr – bunu etməmələrini şiddətlə tövsiyə edirəm – onları daha əvvəl heç olmayan qədər sərt bir şəkildə vuracağıq”, - Tramp yazıb.
Tramp bir qədər sonra isə İranla bağlı ikinci təhdidi paylaşıb:
"ABŞ hərbi avadanlıqlar üçün iki trilyon dollar xərcləyib. Biz dünyanın ən böyüyü və ən yaxşısıyıq! İran ABŞ bazasına və ya bir amerikalıya hücum edərsə, bu yeni və gözəl avadanlıqların bəzilərini tərəddüd etmədən onlara göndərərik”.

www.anews.az