Rusiya Ukrayna ərazisinə qoşun yeridir - VİDEO

 APA-nın Rusiya mətbuatına istinadən verdiyi məlumata görə, bu haqda Federasiya Şurasının iclasında qərar qəbul edib.   Bu arada Rusiya hərbçiləri ilə dolu yük avtomobillərinin Ukraynanın Zaporojye vilayəti ilə irəlilədiyi məlum olub. Maşın karvanının Çonqar yarımadasından keçdiyi bildirilir. Kiyevdə mərkəzi hakimiyyət bu haqda xəbərdar olsa da, hələlik heç bir addım atmır. Qeyd edək ki, Rusiya prezidenti Vladimir Putin Ukraynanın Krım Muxtar Respublikasına qoşun yeritmək üçün Federasiya Şurasına müraciət edib. Müraciətdə Ukraynada ictimai-siyasi vəziyyət normallaşanadək qoşunların Krımda qalmasının zəruriliyi əsaslandırılır.  “Ukraynada yaranmış vəziyyətlə əlaqədar Rusiya vətəndaşlarının, soydaşlarımızın, Qara dəniz donanması şəxsi heyətinin həyatı təhlükədədir. Bu üzdən də Ukraynada ictimai-siyasi vəziyyət normalaşanadək Rusiya Silahlı Qüvvələrindən bu ölkənin ərazisində istifadə üçün Rusiya Federasiya Şurasına müraciət edirəm”, - deyə Rusiya prezidentinin müraciətində vurğulanır.

ANN.Az