Trampın xüsusi nümayəndəsi tezliklə Kiyevə gedəcək

New Voice nəşri Ukrayna və ABŞ-dakı mənbələrə istinadən bildirir ki, Kelloq 11 fevraldan sonra Ukraynaya səfər edəcək.

 

Daha sonra o, Avropada danışıqlarda iştirak edəcək və ardınca Münhen Təhlükəsizlik Konfransına qatılacaq.

Bundan əvvəl Ukrayna mediası "Susílne" xəbər vermişdi ki, Ukrayna hökuməti Tramp administrasiyası ilə görüşlərin qrafikini razılaşdırır.

 

Ukrayna Prezidenti Volodimir Zelenski AP agentliyinə müsahibəsində komandası ilə Ağ Ev arasında əlaqənin davam etdiyini və yaxın vaxtlarda detallı razılaşmalar üçün birbaşa görüşlərin keçiriləcəyini bildirib.

Kelloq, hazırda ABŞ-ın Ukrayna və Rusiya üzrə xüsusi nümayəndəsi vəzifəsini tutur. O, bu posta təyin olunmazdan əvvəl döyüşlərin dayandırılması üçün bir plan təqdim etmişdi. O,  Ukraynada seçkilərin keçirilməsi şərti ilə danışıqların tezliklə başlanmasının tərəfdarıdır.