Ukrayna ilə bağlı konkret danışmaq hələ tezdir - Zaxarova

Ukrayna üzrə danışıqlar prosesinin konkret parametrləri barədə danışmaq hələ tezdir. Bunu Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib.

Bundan əvvəl Rusiya Prezidentinin sözçüsü Peskov jurnalistlərə açıqlamasında deyib ki, Ağ Ev rəhbəri Donald Trampın Ukrayna münaqişəsinin həlli üçün Rusiyaya səfəri ilə bağlı hələlik konkret razılaşma yoxdur.

Putinlə Tramp arasında telefon danışığı fevralın 12-də baş tutub və təxminən bir saat yarım davam edib. Söhbət zamanı liderlər Ukraynada hərbi əməliyyatların dayandırılmasının zəruriliyini müzakirə ediblər  və münaqişənin həlli üçün dərhal danışıqlara başlamaq barədə razılığa gəliblər. ABŞ prezidentinin sözlərinə görə , o, rusiyalı həmkarından münaqişənin daimi əsaslarla həll edilməsinin zəruriliyi barədə eşidib.

Tramp daha sonra Səudiyyə Ərəbistanında Putinlə şəxsən görüşməyi planlaşdırdığını açıqlayıb. Onun sözlərinə görə, əsas qarşılıqlı əlaqə telefonla baş tutacaq, lakin ilk üz-üzə görüş böyük ehtimalla orada baş tutacaq. O, həmçinin Səudiyyə Ərəbistanının vəliəhd şahzadəsi Məhəmməd bin Salman Əl Səudun danışıqlarda iştirakını istisna etməyib.

Aytac