Makron Putinlə danışıqlara hazır olduğunu deyir

Fransa prezidenti Emmanuel Makron rusiyalı həmkarı Vladimir Putinlə dialoqa hazır olduğunu bildirib. Bu barədə TASS məlumat yayıb.

“Biz Zelenski və avropalı tərəfdaşlarımız bunun üçün doğru məqamın olduğunu hesab etdikdə mən prezident Putinlə danışmağa hazıram.  Beləliklə, bu sualın cavabı bəlidir”, - Makron bildirib.

Fransa lideri əlavə edib ki, danışıqlar iştirakçılarının görüşləri dövlət başçıları ilə təmaslardan əvvəl baş tutmalıdır.

Martın 5-də Makron həmvətənlərinə müraciət edib. Dövlət başçısı Almaniya kanslerliyinə namizəd Fridrix Merzin çağırışı ilə Avropa ölkələrinin Fransanın nüvə qarşısının alınması qüvvələrinin himayəsi altına qəbul edilməsinin mümkünlüyü barədə müttəfiqlərlə müzakirələrə başlayacağını bildirib. Fransa lideri xatırladıb ki, Fransanın nüvə silahı “1964-cü ildən Avropada sülh və təhlükəsizliyi qoruyub saxlayır”.

Aytac