İran Trampın məktubuna cavab göndərib

İran ABŞ Prezidenti Donald Trampın Omanın vasitəçilik xidmətlərindən istifadə edərək İslam Respublikasının ali dini lideri Əli Xamneyiyə ünvanladığı məktubuna rəsmi cavab verib.Bunu İranın xarici işlər naziri Abbas Əraqçi IRNA agentliyinə müsahibəsində deyib.

“Bu rəsmi cavab məktubunda mövcud vəziyyətlə bağlı fikirlərimiz tam şəkildə izah edilib və qarşı tərəfə məlumat verilib”, - İran XİN rəhbəri vurğulayıb.

Nazir əlavə edib ki, İranın siyasəti maksimum təzyiq və hərbi təhdidlər şəraitində birbaşa danışıqlardan çəkinməkdir. Lakin dolayı yolla danışıqlar, əvvəlki təcrübələrdə olduğu kimi, davam edə bilər.