İsrail HƏMAS-ın Livandakı komandirini məhv edib

İsrail Müdafiə Qüvvələri Livanın qərbində Həmas komandiri Həsən Fərhatın öldürüldüyünü açıqlayıb.

"Dünən gecə İsrail Müdafiə Qüvvələri Sidon bölgəsində hədəfli zərbə endirib, HƏMAS-ın Livandakı qərb arenasının komandiri terrorçu Həsən Fərhat məhv edilib. Fərhat mülki İsrail vətəndaşlarına və hərbçilərinə qarşı çoxsaylı terror aktları həyata keçirib", - məlumatda deyilir.

Mətbuat xidməti Fərhatın İsrail və onun vətəndaşları üçün təhlükə yaratdığını qeyd edib. 

Bundan əvvəl “Al Hadath” İsrail Hərbi Hava Qüvvələrinə məxsus qırıcı təyyarənin Livanın cənubundakı Sidon şəhərinə basqın edərək Fərhatın öldürüldüyünü bildirib.

Aytac Zeynalova