Litva Ukrayna daha 20 milyon avro xərcləyəcək
11.04.2025 16:30
Litva Ukrayna üçün tüfəng patronlarının alınmasına 20 milyon avro xərcləyəcək. Bu barədə Litvanın müdafiə naziri Dovile Sakaliene bildirib.
"Litva Ukraynaya tüfəng patronlarının alınması üçün əlavə 20 milyon avro ayırmaq niyyətindədir. Bu, hazırda ordusunun əsas ehtiyaclarından biridir", - o, Kiyevə silah tədarükünü koordinasiya edən təmas qrupunun iclası üçün NATO-nun mənzil-qərargahında jurnalistlərə açıqlamasıda bildirib.
Nazirin sözlərinə görə, bu planın həyata keçirilməsini sürətləndirmək lazımdır.
"Bununla bağlı problemlər yayda yarana bilər, ona görə də prosesi sürətləndirmək lazımdır",- o əlavə edib.
2024-cü ildə Litva Ukraynanın müdafiə və təhlükəsizlik ehtiyacları üçün hər il ÜDM-nin 0,25%-ni ayırmağı öhdəsinə götürüb, bu da təxminən 190 milyon avro deməkdir.
Aytac
Oxşar xəbərlər
Oxşar xəbərlər
Foto 
Video 
