Vatikan Papa XIV Leo-nun rəsmi gerbini təqdim edib

Vatikan yeni seçilmiş Roma Papası XIV Leonun rəsmi gerbini təqdim edib.Bu barədə Papa Evinin Prefekturası açıqlama yayıb.

Gerb iki hissəyə bölünmüş qalxan şəklindədir. Sol tərəfdə, mavi fonda ağ zanbaq Tanrı Anasının saflığını və günahsızlığını simvolizə edir. Sağ tərəfdə isə Avqustin ordeninin simvolu – alovlu bir ürək təsvir olunub. Ürəyin içində bir kitab (İncil) yerləşdirilib və o, oxla deşilib – bu da Müqəddəs Avqustinə istinadən “Sən öz sözünlə ürəyimi vurdun” ifadəsini əks etdirir.

Gerbin altında Papa XIV Leo-nun seçdiyi deviz yer alıb: “Hamısı bir olsun”.

Ənənəyə uyğun olaraq, gerbdə iki çarpaz açar – səma və yer səltənətlərinin simvolu da əks olunub.XVI Benediktdən başlayaraq, papalar ənənəvi papa tacı (diadem) təsvirindən imtina ediblər. Onun yerini pontifiklərin geydiyi mitrə (uc formalı papaq) alıb və bu dəyişiklik XIV Leo-nun gerbində də öz əksini tapıb.

Kardinallarla keçirilən səhər görüşündə Papa XIV Leo bildirib ki, ad seçimində XIII Leo-ya istinad edilib – bu addım sosial məsələlərə diqqət çəkmək məqsədi daşıyır.