ISW: Rusiya Ukraynada hərbi uğurlarını şişirdib

Rusiya Silahlı Qüvvələrinin Baş Qərargah rəisi Valeri Gerasimov Ukraynada yaz–yay hücum kampaniyası zamanı əldə olunan uğurlar barədə şişirdilmiş məlumatlar yayıb. Bu barədə ABŞ-ın Müharibənin Öyrənilməsi İnstitutu (ISW) məlumat yayıb. 

Gerasimovun sözlərinə görə, Rusiya 2025-ci ilin martından bu günə qədər 149 yaşayış məntəqəsini və 3500 kv.km Ukrayna ərazisini nəzarətə götürüb. Lakin ISW-nin hesablamalarına əsasən, real göstəricilər 130 yaşayış məntəqəsi və 2346 kv.km təşkil edir.

Bundan əlavə, ISW bildirir ki, Gerasimovun Donetsk, Xerson və Zaporojya vilayətləri üzrə təqdim etdiyi nəzarət faizləri dəqiq deyil:

Donetsk vilayəti: Gerasimov – 79 %, ISW – 76,7 %

Xerson vilayəti: Gerasimov – 76 %, ISW – 73,2 %

Zaporojya vilayəti: Gerasimov – 74 %, ISW – 73 %

Yeganə uyğunluq Luqansk vilayətinə aiddir – həm Rusiya Müdafiə Nazirliyi, həm də ISW bu ərazi üzərində nəzarəti 99,7 % olaraq göstərir.

Gülnar