Romada tarixi qüllə çöküb - 4 yaralı var

Romada bərpa işləri aparılan tarixi “Torre dei Conti” qülləsi çöküb.Bu barədə İtaliya mətbuatı məlumat yayıb.

Bildirilib ki, hadisə nəticəsində 4 işçi xəsarət alıb.

Əraziyə çoxlu sayda yanğınsöndürən və xilasetmə briqadası cəlb olunub. Təhlükəsizlik tədbirləri çərçivəsində piyadaların və nəqliyyat vasitələrinin hərəkəti məhdudlaşdırılıb.

Çökmənin səbəblərinin müəyyən olunması üçün araşdırmalara başlanılıb.