Ermənistan vətəndaş cəmiyyəti nümayəndələri Azərbaycana səfər edəcək

Ermənistanın vətəndaş cəmiyyətinin nümayəndələri tezliklə Azərbaycana səfər edəcək.Bu  barədə Ermənistan Milli Təhlükəsizlik Şurasının katibi Armen Qriqoryan Brüsseldə keçirilən beynəlxalq konfransda məlumat verib.

"Yaxın vaxtlarda Ermənistan vətəndaş cəmiyyəti nümayəndələrinin Azərbaycana cavab səfəri gözlənilir. Vətəndaş cəmiyyəti nümayəndələrinin iştirakından əvvəl Ermənistan Milli Təhlükəsizlik Xidmətinin rəhbəri beynəlxalq təhlükəsizlik forumunda iştirak etmək üçün Bakıya səfər edib. Bu cür səfərlər və mübadilələr iki cəmiyyət arasında qarşılıqlı etimadın və anlaşmanın möhkəmlənməsinə, həmçinin Ermənistan və Azərbaycan arasında sülhün təşviqinə töhfə verəcək", - Qriqoryan bildirib.