Kolumbiyada məktəb avtobusu qəzaya uğrayıb, on altı nəfər ölüb

Kolumbiyanın şimal-qərbindəki Antiokiya departamentində məktəb avtobusunun qəzaya uğraması nəticəsində 16 nəfər ölüb, daha 20 nəfər yaralanıb.Bu barədə yerli "El Tiempo" qəzeti xəbər verib.

Məlumata görə, orta məktəbin bir qrup məzununu daşıyan avtobus naməlum səbəbdən yoldan çıxaraq Remedios bələdiyyəsi ərazisində dərəyə aşıb.

Hazırda müvafiq orqanlar qəzanın səbəbini müəyyən etmək üçün araşdırma aparır.