Bu gün od çərşənbəsidir

Bu gün Novruzun ikinci - Od çərşənbəsidir.

Od çərşənbəsi istiliyi, günəşi və qədim inanclara görə, təbiətin oyanışını simvolizə edir. Od insanları pis ruhlardan və xəstəliklərdən qoruyan müqəddəs bir qüvvə hesab olunur.

Bu axşam həyətlərdə tonqallar qalanır. İnsanlar "ağırlığım-uğurluğum odun üstünə" deyərək tonqalın üzərindən atılırlar ki, bu da ötən ilin çətinliklərindən təmizlənmək mənasına gəlir.

Süfrələrə mütləq şirniyyatlar (şəkərbura, paxlava) və çərəzlər düzülür, ailə üzvləri bir yerə toplaşır.