Venesuelada səfərbərlik elan edilib

Venesuela hakimiyyəti orduda geniş səfərbərlik elan edib və neft sənayesi işçiləri ilə digər əsas müəssisələr üçün hərbi rejim tətbiq olunacağını bildirib.

Hüquqi aktlar portalında dərc olunan fərmanda bildirilib ki, ölkənin bütün ərazisində silahlı qüvvələrin səfərbərliyi və xarici təcavüzün dəf edilməsi üçün mövcud milli güc potensialından istifadə olunacaq. Dövlət infrastrukturu, neft sektoru və digər əsas istehsalat obyektləri müdafiə olunacaq, bu müəssisələrin heyəti isə müvəqqəti olaraq hərbi rejim altında fəaliyyət göstərəcək.

Fərmana əsasən, ölkə sərhədlərində – quru, hava və dənizdə – patrul və mühafizə gücləndiriləcək. Sənəd dərc edildiyi andan etibarən 90 gün müddətinə qüvvədədir. Fərman 3 yanvar tarixli olub və Prezident Nikolas Maduro, vitse-prezident və digər hökumət üzvlərinin imzası ilə təsdiqlənib.