Əraqçi “Hizbullah” lideri ilə görüşüb

İranın xarici işlər naziri Abbas Əraqçi Livanda “Hizbullah”ın baş katibi Şeyx Naim Qasım ilə görüşüb.Bu barədə İranın dövlət televiziya və radio şirkəti məlumat yayıb.

Görüş zamanı Əraqçi İranın Livanla iqtisadi və siyasi əlaqələri gücləndirmək niyyətində olduğunu bəyan edib.

O, ABŞ sanksiyalarına baxmayaraq, Tehranın nüvə enerjisi və müdafiə qabiliyyətini inkişaf etdirmək hüququndan geri çəkilməyəcəyini qeyd edib.

Səfər çərçivəsində Əraqçinin Livan prezidenti Cozef Aun və digər rəsmi şəxslərlə də görüşləri planlaşdırılıb.