İran vətəndaşları quru sərhədlərini keçərək Türkiyəyə gedir

İranda baş verən etirazlar fonunda onlarla İran vətəndaşı quru sərhədlərini keçərək Türkiyəyə gedib.Bu barədə “Reuters“ məlumat yayıb.

Bildirilib ki, iranlılar Kapıköy sərhəd-keçid məntəqəsi vasitəsilə Türkiyənin Van vilayətinə daxil olublar.

Bir sıra ölkələr öz vətəndaşlarını İranı tərk etməyə çağırdıqdan sonra İrandan Türkiyəyə keçənlərin sayında artım müşahidə olunub.

Buna baxmayaraq, Türkiyənin təhlükəsizlik rəsmiləri isə sərhəddə vəziyyətin hələlik fövqəladə olmadığını, lakin hər hansı kütləvi qaçqın axınına qarşı bütün inkişafların yaxından izlənildiyini qeyd ediblər.