Mövlud Çavuşoğlunun qardaşı vurulub - vəziyyəti ağırdır

Türkiyənin Antalya vilayətinin Alanya rayonunda keçmiş xarici işlər naziri Mövlut Çavuşoğlunun qardaşı, iş adamı Aydın Çavuşoğlu ofisində güllə yarası ilə tapılıb.

Türkiyə mediasının məlumatına görə, hadisə Çavuşoğluna məxsus yanacaqdoldurma məntəqəsində baş verib.

Silah səsi ilə bağlı məlumatdan sonra əraziyə polis və təcili tibbi yardım əməkdaşları cəlb olunub. Yaralı vəziyyətdə tapılan Aydın Çavuşoğlu xəstəxanaya çatdırılıb və əməliyyat olunub.

Onun səhhətinin ağır olduğu bildirilir.

Hadisədən sonra Antalya valisi Hulusi Şahin xəstəxanaya gedərək Çavuşoğlunun vəziyyəti barədə məlumat alıb.

Keçmiş xarici işlər naziri, AK Parti Antalya millət vəkili Movlut Çavuşoğlunun hadisə zamanı xaricdə olduğu və Antalyaya qayıdacağı bildirilir.

Aytac