Makron Rusiyaya yanacaq ixracına qarşı sanksiya təklif etdi

Fransa Prezidenti Emmanuel Makron müttəfiqlərə müraciət edərək Rusiyaya yanacaq, neft və qaz tədarükünü tam dayandırmaq üçün yeni sanksiyalar tətbiq etməyi təklif edib. Bu barədə o, "İstəklilər koalisiyası"nın (Coalition of the Willing) toplantısında çıxış edərkən bildirib. 

Makronun sözlərinə görə, kölgə donanmasına qarşı görülən tədbirlər və Ukrayna Silahlı Qüvvələrinin Rusiyanın neft emalı zavodlarına zərbələri nəticəsində Moskva üçüncü ölkələrdən dizel, neft və qaz idxal etməyə məcbur qalıb. 

Fransa lideri vurğulayıb ki, əvvəllər Rusiya xalis ixracatçı olduğu üçün belə məhdudiyyətlərə ehtiyac yox idi, lakin indi vəziyyət dəyişib: "Rusiya artıq yanacaq idxal edir. Avropa və digər tərəfdaş şirkətlərin bu resursları Moskvaya tədarük etməsinin qarşısını almaq üçün yeni sanksiyalar paketi qəbul etməliyik".

N.Təbrizli