Göyərtəsində ABŞ konqresmeninin olduğu təyyarə gölə qəza enişi edib

ABŞ Konqresinin Nümayəndələr Palatasının üzvü, Respublikaçılar Partiyasından Viskonsin qubernatorluğuna namizəd Tom Tiffaninin olduğu təyyarə mühərrik gücünü itirdikdən sonra gölə təcili eniş edib.

Tiffani bu barədə "X" sosial şəbəkəsində yazıb.

Onun sözlərinə görə, təyyarə Uoso hava limanına yaxınlaşarkən mühərrik gücünü itirib və pilot Uoso gölünə təcili eniş edib.

Tiffani bildirib ki, təyyarə suya endikdən sonra batmağa başlayıb və o, pilotla birlikdə hava gəmisini tərk edərək xilasedicilər gələnədək dayaz əraziyə üzərək çıxıb.

Hadisə nəticəsində Tiffani və pilot xəstəxanaya çatdırılıb. Hər ikisinin yüngül xəsarət aldığı bildirilib.