Nepalda torpaq sürüşməsi və daşqınlarda ölənlərin sayı 1 403-ə çatıb

Nepalda güclü daşqın və torpaq sürüşmələri nəticəsində ölənlərin sayı 1 403 nəfərə çatıb.Bu barədə sentyabrın 16-da Nepalın Təbii Fəlakət Risklərinin Azaldılması İdarəsi məlumat yayıb.

Məlumata görə, 6 150 nəfər itkin düşmüş hesab olunur. Hazırda axtarış-xilasetmə əməliyyatları davam etdirilir.

İdarənin məlumatına əsasən, indiyədək 13 742 nəfər xilas edilib.

Fəlakət avqustun 26-da Nepalın şimalında baş verib. Dağlıq ərazidə baş verən uçqun nəticəsində yaranan güclü sel çay yatağı boyunca 70 kilometrdən çox məsafə qət edərək geniş əraziləri su altında qoyub.

Çinin Tibet bölgəsində isə təbii fəlakət nəticəsində 43 nəfərin öldüyü, 519 nəfərin itkin düşdüyü bildirilir.