Hörmüz boğazı yaxınlığında növbəti tanker hücuma məruz qalıb

Mayeləşdirilmiş neft qazı (LPG) daşıyan tanker Hörmüz boğazından çıxarkən naməlum mərmi zərbəsi nəticəsində zədələnib.Bu barədə Böyük Britaniyanın Dəniz Ticarət Əməliyyatları İdarəsi (UKMTO) "X" sosial şəbəkəsində məlumat yayıb.

Məlumata görə, gəminin kapitanı tankerin naməlum mərmilərin qəlpələri ilə vurulduğunu bildirib. Hadisə nəticəsində ekipaj üzvlərindən heç biri xəsarət almayıb, ətraf mühitə zərər dəyməyib.

Tanker növbəti təyinat məntəqəsinə doğru hərəkətini davam etdirəcək.

UKMTO bölgədən keçən gəmiləri ehtiyatlı olmağa və hər hansı şübhəli fəaliyyət barədə idarəyə məlumat verməyə çağırıb.