ABŞ İrana silah tədarükünə görə 10 fiziki və hüquqi şəxsə sanksiya tətbiq edib

ABŞ Maliyyə Nazirliyi İrana silah və silah komponentlərinin tədarükünə yardım göstərdikləri iddia olunan 10 fiziki və hüquqi şəxsə qarşı sanksiya tətbiq edib.Bu barədə ABŞ Maliyyə Nazirliyinin açıqlamasında bildirilib.

Nazirliyin məlumatına görə, sanksiya tətbiq olunan şəxslər və şirkətlər İranın Müdafiə və Silahlı Qüvvələrə Logistika Nazirliyi üçün silah və komponentlərin satın alınmasına kömək ediblər.

Məhdudiyyətlərə Çin, Honkonq və Pakistanda fəaliyyət göstərən bəzi şirkət və şəxslər də daxildir.

ABŞ Maliyyə Nazirliyi bildirib ki, tədbirlər İranın silah proqramlarını bərpa etmək imkanlarını zəiflətmək və hərbi təchizat şəbəkələrinə dəstək verənlər üçün xərcləri artırmaq məqsədi daşıyır.